Тајната на здраво и витко тело не лежи во непроверени и нездрави трендовски диети по кои ќе ги
вратите изгубените килограми за час. Тајната лежи во моќта на здравите принципи и начин на
живот, кој ќе ви дадат природни упатства како да изгубите килограми и да одржите идеална
телесна тежина.
Ајурведата ни дава 8 здрави принципи, кои значително ќе ни помогнат во создавање здраво и
витко тело.
Избегнувајте брза храна
Борба против вишокот килограми, но и одржување на здравјето, значи целосно избегнување на
ваков вид диети, без оглед колку е практична. Изберете здрава храна – пазарите се полни со
достапни, свежи и домашни производи што можат да се подготват за час.
Намалете го внесот на калории
За да изгубите тежина, треба да внесете 500 до 700 калории помалку отколку што согорува
вашето тело за еден ден. Доколку ви требаат 2.000 калории на ден, корисен совет за слабеење би
било да ги ограничите на 1.300. Се разбира, овие бројки се малку повисоки за мажите, така што
тие можат да внесат уште двесте калории. Имајте на ум дека дневните потреби на калории се
разликуваат од личност до личност, па според сопствената конституција и вашата физичка
активност, треба да пресметате сами колку калории ви требаат дневно и колку треба да
намалите.
Намалете го внесот на шеќер
Белиот шеќер носи многу опасности по здравјето, а неговото прекумерно внесување го
оптеретува телото. За да се одржи балансирана и здрава исхрана, потребно е да се намали или
целосно да се елиминира храната што содржи празни калории без хранлива вредност, а тоа се
храна со многу шеќер, алкохол и храна со рафинирано брашно. Сокови и газирани пијалоци со
додадени шеќери се исто така меѓу производите што треба да се избегнуваат.
Изберете храна богата со хранливи материи
За правилно спроведување на програмата за слабеење, фокусирајте се на конзумирање на
високо хранлива храна како што се цели зрна, храна богата со протеини и зелен лиснат зеленчук,
но не комбинирајте ги со сосови и додатоци со калории. Покрај тоа што ја обезбедува потребната
енергија и помага да се намали телесната тежина, потрошувачката на оваа храна е идеална за
борба против болести како што е анемијата.
Земете ја предвид големината на порцијата
Фокусирајте се на големината на порцијата на секое јадење што го консумирате.
На пример, добро е ако вашиот оброк содржи околу 30 грама чист протеин-на пример, органско
тофу, половина чаша цели зрна, овесна каша или кафеав ориз и половина чаша зелен зеленчук
како спанаќ. Слободно играјте со рецептите, но не заборавајте да го дозирате секој оброк.
Заменете ги калоричните закуски со здрави
Ако навистина не можете без закуски, обидете се да јадете само оние чија енергетска вредност не
надминува 200 калории. Елиминирајте ги калоричните закуски со додадени шеќери и заменете ги
со природни. Како закуски можете да користите парчиња зеленчук и овошје, суво овошје, чипс од
кеale и слично.
Зголемете ја физичката активност
Согорувајте вишок калории со физички активности во текот на денот. Прошетајте најмалку 10
минути после секој оброк и за време на пауза на работа. Вклучете се во активности во
домаќинството, одржување хигиена во домот, средување и преуредување на детали во домот.
Ако сте спортски тип, обидете се да посветите 4 часа неделно на интензивен спорт за да изгубите
тежина.
Трчајте или правете некоја спортска активност најмалку 45 минути на ден, 5 дена во неделата.
Повремено постење
Додадете повремено постење што може да трае и до 16 часа. Потребно е да се замени појадокот
со чаша чај, смути или некој друг пијалок со помалку калории. Првиот оброк да биде лесен ручек,
потоа околу 19 и 30 земаме уште еден оброк, земајќи во предвид дека од 20 часот до следниот
ден на пладне не јадете ништо.
Брза детоксикација на телото се постигнува со редовно земање на Трифала
0 Comments