Зелен чај
Овој чај е богат со антиоксидантни полифеноли. Покрај тоа што е одличен заштитник на здравјето
на срцето и мозокот, зелениот чај може да ги ублажи и болестите на ревматоиден артритис. Една
студија објавена во 2016 година во списанието Артритис и ревматологија, покажа дека зелениот
чај содржи полифенолни соединенија EGCG (епигалокатехин-3-галат) кои ги блокираат
негативните ефекти на артритисот без да се мешаат во другите клеточни функции.
Подготовка: истурете 2 дл врела вода врз кесичката со зелен чај и оставете да отстои 3-5 минути.
Секогаш пијте чај свежо подготвен со парче лимон во него.
Чајот се пие во мали голтки и никогаш премногу топол. Се пие во мир и тишина, за да може да се
опуштиш и да почувствуваш како телото и умот почнуваат да се релаксираат, а за тоа време
антиинфламаторните состојки од чајот тивко си ја вршат својата корисна задача, влагајќи до
болните и осетливи делови на телото.
Нека чајот биде твое уживање, лек и релаксација!
Чај од шипинка
Плодот на калинка или дива роза е одличен извор на витамин Ц, антиоксиданс за кој е докажано
дека ја намалува болката предизвикана од воспалителни процеси и го зајакнува имунолошкиот
систем. Истражување спроведено 2012 година покажа дека шипинката содржи антиинфламаторни
супстанции наречени галактолипиди. Медицинските истражувања покажаа дека луѓето кои биле
со артритис, а пиеле чај од шипинка болката им се намалила и им се подобрила подвижноста на
зглобовите. Шипинката помага и во обновување на зглобната ‘рскавица.
Подготовка: една лажица сушено или свежо смачкано овошје од шипинка се посипува со 3,5 дл
вода и се остава да одстои 3-5 минути. Може да се дададе лажичка цимет и лажичка мед.
Секогаш се пие свежо подготвен.
При болки и потешки воспаленија ви предлагаме ајурведски преглед и Пинда сведана




0 Comments