Ајурведата се базира на холистички поглед кон здравјето, односно го гледа телото како еден целосен систем, додека добросостојбата и здравјето зависат од воспоставениот баланс меѓу телото, умот и духот.
Кога балансот во нашиот организам е нарушен, тогаш настанува болест. Најважна е превенцијата, односно да се одржува рамнотежата и доброто здравје на дневно ниво. 🌱 Главната состојка е куркумата, која многу често се користи во ајурведата токму поради антивоспалителните и антиоксидантните својства.
🌱Штити од срцеви заболувања поради тоа што овој пијалак го намалува нивото на холестеролот во крвта и ги заштитува крвните садови.
🌱Присуството на суров ѓумбир има антиканцерогени својства, што важи и за зачините цимет, куркума и црн пипер.
🌱 Заштитува од настинки и го подигнува имунитетот поради своите антибактериски и антивирусни својства, бидејќи активните состојки се борат со инфекциите во телото и го спречуваат размножувањето на бактерии.
🌱 Ја подобрува дигестијата.
Потребни состојки:
1/2 шолја млеко /за замена користете било млеко/
1 лажица куркума
1 лажица рендан ѓумбир
1/2 лажица цимет
Малку црн пипер
1 лажица мед (во изладено млеко)
1/2 лажичка кокосово масло (по избор)
Подготовка:
Загрејте го млекото. Само што ќе зоврие, тргнете го од оган. Додадете ги сите состојки освен медот и мешајте на ниска температура 2-3 минути. Потоа, оставете пијалакот природно да почне да се лади, па на крај додадете го медот.
Консумирајте го пијалакот додека е уште млак.
Медот не треба да се додава додека е жежок пијалакот. За веганска варијатна може да користите млеко од бадем, лешник, индиски орев, фстак, а наместо мед додадете малку темен шеќер.
0 Comments