Нутриционистите сметаат дека луѓето не се доволно запознаени со лековитите својства на оревот и колку лисјата, јатките и плодовите од оревот помагаат при лекување на многу болести.

Младите ореви се одлични прочистувачи на крв, помагаат при лекување на белодробни заболувања, цревна катара, зајакнување на мускулите, како мелем кај рани и егзема, кожни болести, воспаленија на очите, за нега на косата, маслото од орев нанесено на телот штити да не дојде до изгореници од сонце.

Јадрото на оревот содржи 65% масло, протеини, јаглени хидрати, фосфор, калиум, магнезиум, витамини Б и Ц, железо … Затоа е исклучителен детоксикатор, секретолитик, лаксатив и антидијабетик.

Листот содржи жолтеникаво есенцијално масло, танин, супстанци со зачинет и горчлив вкус. Обично се собира во јуни и јули додека дрвото и плодовите се свежи и зелени.

Особено е ефикасен чај од млад лист од орев, кој со додавање на мед го зајакнува и чисти организмот и го подобрува здравјето. Се користи кога имаме дигестивни проблеми, гихт, крварење на заби и заболувања на непцата, гнојни осипи, прекумерно потење на стапалата и проблеми со вагинален исцедок кај жените.

Младите, зелени ореви се богати со витамин Ц. Тие се ставаат во мед да одстојат и се даваат на болни, слаби деца и анемични лица.

Зрелите плодови имаат многу масло и се јадат сурови или варени. Тие се одличен извор на омега-3 масни киселини, поради што успешно го намалуваат холестеролот во крвта.

Ореви во мед за подобра плодност и потенција

Оревот е природен афродизијак кој содржи витамини Б1 и Б2 кои му даваат на организмот енергија и витални елементи кои се неопходни за развој на жлездите. Богат е со цинк, што е важно за нормална сексуална активност и функцијата на простатата.

Има засилен ефект во комбинација со мед, кој исто така е богат со супстанци важни за машкото репродуктивно здравје.

Измешајте мелени ореви во еднакви размери со мед од костен и јадете три лажици од смесата, 3 пати на ден. За да се постигнат посакуваните ефекти, третманот треба да трае најмалку 20-30 дена. Оваа мешавина е исто така ефикасна за висок крвен притисок и главоболки.

Добри резултати се постигнува со редовно земање на Ашваганда

Ashwagandha