Вежби за масирање на мускулите на ‘рбетот /shavasana/
Овие вежби во јогата служат за целосно опуштање на телото. Shavasana – или позиција на мртовец /во оваа позиција остануваме целосно неподвижни/
Оваа вежба ни овозможува да постигнеме максимална релаксација на мускулите на грбот, бидејќи
продира длабоко под површинските слоеви.
Вежбата се состои од два дела:
Прв дел
♦ Легнуваме на грб и ставаме роловани крпи под половината и вратот.
♦ Ги вртиме стапалата од едната и другата страна – што е можно поопуштено, без напрегање. Во
исто време ја вртиме главата кон левото и десното рамо, без да го напрегаме вратот и грбот.
Може да ја движиме главата и нозете во иста или во спротивна насока, слоборен избор. Кога ја
вртиме главата надесно а нозете налево и обратно или пак главата надесно и нозете надесно,
главата налево и нозете налево, како што сакаме во тој миг.
♦ Целосно се опуштаме и почувствуваме бран вибрации долж целиот ‘рбет. Практикуваме околу 1 минута.
Втор дел
♦ Легнуваме на стомак, ставаме перница или пешкир под чело, ги истегнуваме рацете до телото
♦ Ги свртуваме стапалата од една на друга страна, со прстите на нозете ги приблизуваме
стапалата па ги одалешуваме Полека со движењата на стапалата се опуштаме и полека се
ослободуваме од целата напнатост која ја носиме, така што за кратко време почнуваме да
чувствуваме како бран на енергија поминува низ нашето тело. Остануваме во оваа позиција 1
минута.
Шавасан- потполно опуштање
И на крај завршуваме со длабока свесна релаксација. Ако правилно ја изведуваме оваа вежба
пред спиење, многу лесно ќе се потопиме во светот на соништата.
♦ Едноставно легнуваме на грб со малку раздвоени нозе и дланки завртени нагоре. Ставаме
ролна пешкир или перница под глава и врат. Постепено со длабоко дишење го опуштаме телото
почнувајќи од долу па нагоре, од прстите на нозете до врвот на главата. Правиме 20 циклуси
вдишување и издишување, постепено продлабочувајќи го дишењето и полека се опуштаме
оставајќи го умот настрана, мислите ги оставаме да лебдат и престануваме да го контролираме
дишењето – продолжувајќи со природно дишење во свој ритам.
Научете техники за лесно и длабоко опуштање на телото на нашите редовни јога часови.
Во период кога чувствувате голем стрес или напнатост земајте редовно Ашваганда и Шанкапушпи.
0 Comments